~~ வேரானவள்~~

வேரானவள்

சாதம் படைப்பவன் பெண்ணல்ல - நல்ல
சமுதாயம் படைப்பவள் பெண்!

சார்ந்திருப்பவள் பெண்ணல்ல - மாபெரும்
சாதனைகள் நிகழ்த்துபவள் பெண்!

புல் விளையும் நிலமல்ல பெண்! - நல்ல
புதல்வர்களைத் தருபவள் பெண்!

அடுக்களையை பராமரிப்பவள் பெண்ணல்ல!
அரசாங்கத்தை ஆள்பவள் பெண்!

அன்பானவள் மட்டுமல்ல
அதிகார தோரணையும் அவள்!

குழந்தையை மட்டுல்ல
குடியரசை காப்பவளும் அவள்!

கட்டுப்பாடுகள் விதிப்பவள் அவளே - அன்புக்கு
கட்டுண்டு கிடப்பவள் அவளே!

கனிவான பார்வையும் அவளே!
கல்விக் கண் தருபவளும் அவளே!

பெற்றெடுத்தவள் அவளே!
பேறு பெற வைத்தவள் அவளே!

விழியானவள் அவளே - வாழ்வுக்கு
வழியானவள் அவளே!

மெழுகானவள் அவளே - என்னை
மெருகேற்றியவள் அவளே!

உருவுக்கு ஆதாரம் அவளே - என்
உயர்வுக்கு வேரானவள் அவளே!