English Class 20

Tuesday, November 18, 2008
ஆங்கிலப் பெயர்சொற்களின் பிரிவுகள் (Types of Nouns)
பொதுவாக பெயர்சொற்கள் (Nouns) என்பதற்கான வரைவிலக்கணத்தைப் பார்ப்போமானால் மனிதர்கள், உயிரினங்கள், இடங்கள், வாழ்வியல் ஆதாரங்கள், பொருற்கள், உணர்வுகள் போன்றவற்றை விவரிப்பதற்கான பெயர்கள் அல்லது சொற்கள் "பெயர்சொற்கள்" ஆகும்.

இப் பெயர்சொற்களை ஆங்கிலத்தில் பல்வேறு பிரிவுகளாக வகுத்துள்ளனர். அப்பிரிவுகளாவன:

Common Nouns - பொதுவான பெயர்சொற்கள்

man, boy, girl, shop, tree, clock, actor, mobile போன்றவை பொதுவான பெயர்சொற்கள் ஆகும்.

அட்டவணைப் பார்க்கவும்.

Proper Nouns - உரித்தானப் பெயர்சொற்கள்

Peter, Sarmilan, Tamilvani, Hong Kong, Vijai, Nokia போன்றவை குறிப்பிடுப் பெயர்சொற்கள் அல்லது உரித்தானப் பெயர்சொற்கள் எனப்படும்.

அட்டவணைப் பார்க்கவும்.

Countable Nouns - கணக்கிடுப் பெயர்சொற்கள்

car-cars, child-children, tree- two trees போன்று எண்னிக்கையை கணக்கிடக்கூடியப் சொற்களை கணக்கிடுப் பெயர்சொற்கள் என்று அழைக்கபடுகிறது.

அட்டவணைப் பார்க்கவும்.

Uncountable Nouns - கணக்கிடமுடியாப் பெயர்சொற்கள்

water, fire, air, alcohol, blood, cotton, education போன்றவை கணக்கிடாமுடியாப் பெயர்சொற்கள் எனப்படும்.

அட்டவணைப் பார்க்கவும்.

Collective Nouns - கூட்டுப் பெயர்சொற்கள்

a group of things, a flock of birds, faculty, audience, team, crowd போன்ற கூட்டம் அல்லது குழுக்களின் பெயர்களை (பலதின் சேர்க்கை) பெயர்களை "கூட்டுப் பெயர்சொற்கள்" என்றழைக்கப்படும்.

Concrete Nouns - உருவப் பெயர்சொற்கள்

Ford, dog, piano, herd, dancer, football, toy, White House, போன்ற தொடவும், பார்க்கவும் கூடியவற்றை "உருவப் பெயர்சொற்கள்" எனப்படுகின்றது. இவை பொதுவானப் பெயர்சொற்களாகவோ உரித்தானப் பெயர்சொற்களாகவோ இருக்கலாம். கணகிடுப்பெயர்சொற்களாகவோ கணக்கிடமுடியாப்பெயர்சொற்களாகவோ இருக்கலாம்.

Abstract Nouns - பண்புப் பெயர்சொற்கள்

intelligence, love, hate, bravery போன்றச் சொற்கள் எண்ணங்கள், குணங்கள், உணர்வுகள் போன்றவற்றை வெளிப்படுத்துவதால் அவற்றை "பண்புப் பெயர்சொற்கள்" என்றழைக்கப்படும்.

Compound Nouns - இணைவுப் பெயர்சொற்கள்

Blackboard, Homeland, without, wallpaper, brother-in-law போன்ற இரண்டு அல்லது அதற்கு மேற்பட்ட சொற்களை இணைத்து இன்னுமொரு தனிச்சொல்லாக அல்லது தனிப்பெயராக பயன்படுபவற்றை இணைவுப்பெயர்சொற்கள் என்று அழைக்கப்படுகின்றது.

ஆங்கிலத்தில் பல்வேறு பிரிவுகளாகப் பிரிக்கப்பட்டிருக்கும் இப் பெயர்சொற்களின் அட்டவணைகள் எதிர்வரும் பாடங்களில் ஒவ்வொன்றாகத் தரப்படும். அப்போது அதனதன் மேலதிக விளக்கங்களையும் பெற்றுக்கொள்ளலாம்.

இன்று பொதுவான பெயர்சொற்கள் மற்றும் உரித்தானப் பெயர்சொற்கள் அட்டவணைகள் வழங்கப்பட்டுள்ளது.

ஏனையவை விரைவில் வழங்கப்படும்.