ஏன் இந்த நடிப்பு? காசி ஆனந்தன்

கைதட்டத்தானா உன் கை? - தமிழா!
கைதட்டத்தானா உன் கை?

வையமெல்லாம் பகைவர்
நமைமோதும் வேளை - உன்
கையிரண்டும் களத்தில்
ஏந்தாதா வாளை?

ஆட்சி இழந்தாய்
திசைதோறும் அலைந்தாய்! - வெறும்
காட்சிப் பொருளாய் நீ
உயிர் வாழ்ந்து தொலைந்தாய்!

என்னடா உனக்கு
என்றென்றும் உதையா? - உன்
முன்னவன் இமயம்
வென்றானே - கதையா?

கொடுமை மறந்தா உன்
கை ஓசை வெடிப்பு? - அட!
அடிமை உன் வாழ்வில்
ஏன் இந்த நடிப்பு?

» அறப்போர் காசி ஆனந்தன்
» உணர்ச்சி காசி ஆனந்தன்
» ஒருமை காசி ஆனந்தன்
» ஒன்றுபடு! காசி ஆனந்தன்
» ஏடு படைப்போம்! காசி ஆனந்தன்